HASTHREKHA
GYAN ( BY:- KINJAL JAYANT)
EK DRISHTI HATHELI PARR:-
Hatheli parr shani parvat ( Saturn mount),
tarjani ungali (index finger) ke neeche hota hai, chandrama parvat ( moon mount
), madhayam ungli (middle finger) ke neeche hota hai, buddh parvat [mercury
mount] ( madhyam ungli ke bagal wala hota hai) jo ki iske neeche hota hai,
tatha mangal parvat (mars mount) sabse choti ungli (tiny finger) ke neeche hota
hai.
Soorya Rekha ( sun line) angoothe (
thumb) se hokar gujarti hai aur hriday rekha ( heart line) se jaakar milti hai.
Aur hriday rekha ( heart line) buddh parvat (mercury mount) ke madhya (
between/beech) mein soorya rekha se milti hai.
HASTHREKHA VISLESHAN:-
Yadi shani ka parvat ubhra ho ya daba
ho to iss stithi mein vyakti ko sangharsh toh karna padta hai, gareebi tatha
kabz(constipation) ki shikaayat rehti hai, parantu 42 varsh se sukh milta hai
aur vyapaar se sukh milta hai aur vyapaar mukhyta doodh se bani padartho ka
hota hai. Yadi shani parvat madhyam ubhra ho toh sukh apaar milta hai aur 28 se
29 ke beech sukh hota hai, aur 30 varsh se sampoorn sukh milta hai.
Chandrama parvat yadi ubhra ho toh
sukh aseem milta hai aur vyapaar- karobaar mein sukh milta hai aur mukhyta
parishram ghar se hee karna hota hai (WORK FROM HOME). Yadi chandrama parvat
daba hua ho toh sangharsh rehta hai, parantu jeevan ke 35 aur 37 varsh ke baad
madhyam sukh milta hai.
Buddh Parvat yadi ubhra ho toh vyakti
tejasvi aur prabhavshali hota hai aur 38 varsh se prasasan (administration)
mein sukh paata hai , yadi buddh parvat daba hua ho toh vyakti Rajya Sarkaar
mein Mukhya Mantri ( Chief Minister) banta hai bohot sangharsh, tyaag aur
parishram ke baad 48 varsh ki umar mein.
Mangal Parvat yadi ubhra ho toh vyakti
atah parakrami, tejasvi aur vidvaan hota hai , charo taraf yash paata hai aur
24 varsh ke baad kutumbb mein sukh – shanti paata hai. Aur yadi yeh parvat daba
ho toh parishram karne se 32 varsh ke baad kisi sarkaari vibhaag mein uncha
padd (ohda) prapt karta hai.
Soorya Rekha yadi lambi ho toh vyakti
behad sukhi aur shuruat mein introvert ( kamm bolne wala hota hai) tatha kayi
chetron mein avisvasneeya safalta tatha record todne wali safalta prapt karta
hai.
Soorya Rekha acche vyaktiyon ki lambi
hee hoti hai aur dusht vyaktiyon kii choti aur kabhi- kabhi nahi bhi hoti hai,
aise log jeevan bhar dukh aur kasht paate hai.
Hriday Rekha ( Heart Line) se vyakti
ke jeevan mein hone waali shubh ghatnaon ka pata chalta hai jiske kaarann yadyapi
ye rekha hatheli ke choor (end ) takk aati hai toh ye mansik sukh aur samvedna
ko jagrit karti hai tatha vyadhi ( beemari) kabhi nahi hoti.
Agar hriday rekha hatheli ke choor se
choti ya madhyam ho toh jeevan thoda kathin parantu 47 varsh se sukhdaayi hota
hai.
Sabhi ungli tatha angoothe ( thumb )
mein 3 pooar hote hain, aur pehla (1st) pooar brihaspati ( Jupiter )
ka hota hai aur teesra (3rd) pooar raahu ka hota hai tatha beech ka
ya doosra (2nd) pooar brihaspati aur raahu dono kaa hota hai. Yadi ye pooar ubhre huye hon toh kundali
shubh hoti hai, parishram aur sukh vilas (luxury) se sampann hoti hai. Aur yadi ye pooar dabe huye ho toh sukh
parishram aur atah sangharsh ke baad 40 varsh ke baad sukh milta hai
NOTE :-
*Ungli tahta Angoothe (thumb) ke pooar ke
ubhre hone se tatparya hai kii ye saaf
– saaf(spasht) dikhayi dein aur dabe hone se tatparya hai kii ye thoda kamm
saaf dikhayi dein.
* Angoothe yadi lacheela (flexible) ho
yaa kadak (rigid/hard) tabb bhi shubhkaari hota hai.
-
KINJAL
JAYANT